Agron PREBIBAJ
Pas largimit Rama do mbahet mend gjatë nga qytetarët shqiptarë për dimrat e thertë e shtrëngues në kurriz të shumicës absolute.
E nisi me hapje burgjesh për mijëra qytetarë vetëm për një tel korenti, burgosi mijëra të rinj shqiptarë për një qese kanabis megjithëse parcelat e drogës kontrolloheshin nga struktura e policisë së shtetit, bllokoi biznesin e kryesisht atë të ndërtimit si më me shumë punësim, rihapi emigracionin me rreth 400 mijë shqiptarë në azilet e Europës, rrënoi bizneset nëpërmjet rritjes së taksave, rriti krimin deri te krimi në familje, plagosi ndërgjegjen qytetare duke rritur varfërinë e pllakosur vendin në krizen më të thellë ekonomike sociale e shoqërore.
Kriza politike në të cilën jemi për afro një vit është treguesi më i keq për klasen tonë politike me përgjegjës direkt kryeministrin e vëndit i cili me megallomaninë e tij e me shumë me shpirtin e ferrit nuk diti në asnjë moment të japë zgjidhjen politike e as që bëhej fjalë për përulje ndaj qytetarit.
Tashmë Edi Rama Shqipërisë ja poq kulaçin edhe në Europë duke lëshuar smogun e zi, si ndaj qeverisjes po ashtu edhe ndaj klasës politike duke lënë gjithçka të pezullt e shprespak për të ardhmen e integrimit të plotë europian. Çdo ikje e tij sot jo vetëm e vonuar, por ka hap një gropë të fortë për demokracinë tonë.
