Shënohet si një nga ngjarjet më interesante në mbarë botën. Nata e 30 tetorit dhe mëngjesi i datës 31, është periudha kur shënohet Halloween-i, festë për të cilën në vazhdimësi ka pasur debate të shumta.
Gazetar: Shpend Lipa
Opinionet e njerëzve ndahen në dysh, janë ata të cilët shprehen kundër shënimit të kësaj date për shkak të problemeve që shkaktohen mes njerëzve, të cilët e shfrytëzojnë pikërisht këtë natë për sulme të ndryshme dhe të tjerët që janë pro maskimit dhe qejfit “ të shfrenuar” brenda kësaj nate.
Kjo festë, fillimet e saj në aspektin komercial i pati përmes filmave.
Shumë filma të zhanrit horror kanë pasur premierat e tyre pikërisht natën e Halloween-it, duke e bërë edhe më interesante e mediatike këtë festë.
Ju rikujtojmë me këtë rast tre nga filmat më të komentuar e të shikuar të të gjitha kohërave që janë të lidhur pikërisht me festën, “Halloween”.
Filmi i parë i cili ka thyer të gjitha rekordet e filmave horror dhe ka bërë që personazhi dhe maska e këtij filmi të jetë një lloj simboli i frikës është filmi “Scream”.
I lansuar në vitin 1996, “Scream”, ka pasur edhe shumë filma e saga të tjerë duke u bërë simbol i filmave të frikshëm dhe inspirim për shumë filma të tjerë e kostume për persona publik dhe jo publik.
“Scream” me personazhe kryesore David Arquette dhe Neve Campbell, sot mbetet filmi ikonë i zhanrit horror.
Një film tjetër, si i dytë në këtë listë është “Hell Fest”. Me regji të Gregory Plotkin, ngjarja që trajton ky film, e ka bërë që të jetë në listën e filmave më viral dhe senzacional të dekadës së fundit.
Filmi i lansar në vitin 2018, ka bërë që në Halloween-in e fundit, shumë njerëz t’i shohim po të maskuar si personazhi i tij kryesor.
Ngjarja e trajtuar pikërisht për Halloween, kur një vajzë përfundon e ndarë nga grupi i udhëtimit për t’u bërë cak i personazhit, mbetet nga filmat më të kërkuar online gjatë kësaj periudhe.
Nuk ka se si ti mungoj kësaj liste filmi “Annabelle”, një nga ngjarjet më të mira horror të shkruara ndonjëherë.
John Leonetti, njëherit edhe regjisor i filmit, kishte thënë se nuk e ka pasur idenë që ky film do të arrinte të bëhej një nga filmat më të shikuar e komentuar të këtij zhanri.
Ndryshe, “Annabelle” mban edhe rekordin e filmave të viteve të fundit, duke u pasuar nga filmi “IT”, “Ready or Not”, “Us” etj.