Për herë të parë pas pushimeve të verës, kryetari i PD-së Lulzim Basha ka mbledhur kryesinë dhe ish deputetët për të diskutuar aksionin opozitar. Në qendër të mbledhjes janë përgatitjet e opozitës jo vetëm për situatën politike, por edhe për betejën e ardhshme zgjedhore.
Kreu i PD-së ka kërkuar që partia të përgatitet për zgjedhje të parakohshme parlamentare dhe zgjedhje vendore në 1 dite.
“E gjithë partia, jo vetëm forumet të zbresin në terren dhe nisin përgatitjet dhe kontaktin me qytetaret për zgjedhjet si zgjidhja e krizës”, ka thënë Basha në mbledhjen e grupit.
Sipas tij nuk do të ketë ndërprerje të aksionit opozitar, apo tërheqje.
“Krahas aksionit opozitar dhe qytetar, do të vazhdojmë me përfundimin e programit dhe alternatives”. ka theksuar Basha.
“Jemi futur në fazën finale të zgjidhjes së krizës. Zgjidhja e krizës, që mbetet imperativ dhe objektiv kryesor yni, vjen vetëm duke iu drejtuar sovranit me zgjedhje të lira e të ndershme”, ka thënë me tej Basha.
