Këngëtarja e dashur për publikun shqiptar Filloreta Raçi, e njohur ndryshe si Fifi, është një ndër artistet më me pak komplekse.
Si femër e kolme që është, ajo shpeshherë kritikohet për peshën. E për t’i thënë stop bullizmit, kantautorja ka postuar një video në llogarinë e saj në “Instagram”, në sfond të së cilës dëgjohet kënga “Beautiful”, nga Flori Mumajesi dhe Ledri Vula.
Me anë të kësaj videoje, Fifi ka reaguar kundër të gjithë atyre që e kanë quajtur të trashë, të shëmtuar dhe e kanë krahasuar me lopën.
“Unë jam e bukur. Ju përshëndes të gjithëve ju që më keni nisur mesazhe të llojit ‘je si lopë, je shumë e trashë, je veshur shumë keq, je shumë e shëmtuar, je shumë kështu, je shumë ashtu.’ Mbase sot mund të bëjë zhurmë kjo thirrja ime kundër bulizmit. Më besoni që nuk është vetëm për mua. Po nanusha, jam shumë e bukur, ndihem e bukur dhe ndihem e veçantë!”, shkruan kantautorja bashkëngjitur me videon.
