Këngëtari Endrit Prifti dhe gazetarja Ola Bruko janë përfolur shumë muajt e fundit pasi bënë publike lidhjen e tyre.
Spekulimet për lidhjen e tyre filluan verën e kaluar dhe janë përforcuar gjatë emisionit “Dola te Ola,” ku Endri Prifti dhe vëllezërit e tij ishin jo vetëm këngëtarë, por edhe bashkëprezantues me gazetaren Ola Bruko. Ky ishte një periudhë e rëndësishme për të dy, që çoi në zhvillimin e një lidhjeje më të thellë dhe më personale. Ola Bruko ka qenë më parë e martuar dhe ka dy fëmijë nga lidhja e saj e kaluar, ndërsa Endri Prifti ka qenë për një kohë të gjatë single. Tani, ata kanë vendosur të hapin një kapitull të ri së bashku, dhe kjo ka qenë një lajm i pritur dhe i mirëpritur nga miqtë dhe ndjekësit e tyre.
Çifti ishte i ftuar në emsionin “Ndryshe” me Salsano Rrapi dhe Elona Duro ku treguan se sa të lumtur janë bashkë.
Ola: Kishin thënë njerëzit që kur kalon të 40-at, sikur është një jetë e dytë, sikur rilind. Thoja unë që ja fusin kot, por kështu qenka.
Endri: Për mua ishte e treta e vërteta.
Ola: Historia e jetës është e përbashkëta jonë kryesore. Vuajtjet që kemi kaluar në jetë, tradhtitë që na është dashur të kalojmë. Përpjekja e vazhdueshme për t’ia dalë mbanë. Dhe besimi që në fund të tunelit ka një dritë jeshile.
Endri: Jemi më të lumtur se kurrë.
Ola: Me Endrin nuk e di asnjëherë çfarë do të ndodhë. Nuk e di ç’do të ndodhë pas 10 minutash, e jo më pas një jave. Më pëlqen. Endri ka adrenalinë. Ajo që unë kam veçuar nga Endri Prifti është shpirti i tij i bardhë, i dëlirë dhe i vërtet. Shpirti që ka Endri, nuk besoj se e ka njeri tjetër në këtë botë.
Endri: Unë te Ola vlerësoj sinqeritetin e saj, të vërtetën e saj. Është si shpirt. E dua shumë.
Ola: Kënga që preferoj t’i dëgjoj Endrit? E poshtër. Është kënga ime. Mua më ka ardhur ky tekst në orën 4-5 të mëngjesit. Ne ishim zënë, se zihemi kështu (qesh)… Isha në ato momentet e mia që nuk e besoja se mund të të donte njeri aq shumë dhe kisha ato momentet e mia. I thoja: ‘Si të gjithë edhe ti. I thua këto fjalët si të gjithë meshkujt’. Bëjnë sikur të duan dhe në fakt s’të duan. Kur më vjen teksti isha: ‘Uau’. Ishte një moment shumë i bukur për mua.
