Protesta e opozitës së bashkuar ka pasuar me një vendim politik të Partisë Demokratike, atë të djegjes sw mandateve parlamentare. Me ç’duket ky vendim i papritur i kryedemokratit ka zënë në befasi dhe maxhorancën.
Ndonëse dje ministrja e Shtetit për Marrëdhëniet me Parlamentin Elisa Spiropali bëri reagimin e parë, në të nuk flitej për ndonjë veprim pasues nga ana e maxhorancës, përveç deklaratave të sensit politik në adresë të opozitës.
Ndërkohë sot, Edi Rama ndodhet në Kryesinë e Kuvendit, ashtu si çdo të hënë. Rama do të zhvillojë një takim me ministrat dhe më pas do të mbledhë grupin parlamentar të Partisë Socialiste.
