“Pyet mjekun” është rubrika më e re, një platformë që bën të mundur kontaktin ndërmjet mjekut dhe pacientit.
Nëse keni ndonjë pyetje, për gjithçka që ju shqetëson në shëndetin tuaj, këtu do të merrni përgjigje nga mjekë me eksperiencë, pa rezervime takimesh dhe duke shmangur radhët e gjata.
Pacienti: Si duhet të notoni me stomakun bosh apo plot?
Mjeku: Megjithëse na është thënë gjithmonë që duhet të notojmë me stomakun plot, atëherë paska qenë një gabim! Por, edhe me stomakun bosh nuk është mirë të notoni, per shkak të mungesës së energjisë.
Pasi të keni ngrënë, duhet të prisni pak përpara se të hidheni në pishinë, det ose liqen. Menjëherë pas një vakti, organizmi ka nevojë për shumë energji për tretjen. Nëse këto rezerva energjie janë harxhuar, mund të mos jeni në gjendje të notoni deri në breg ose në buzë të pishinës.
Trupi ka nevojë për energji për të notuar: nëse vuani nga diabeti apo kushte të tjera shëndetësore, nuk rekomandohet të notoni me stomakun bosh.
A mund të hidhesh direkt në ujin e ftohtë? Jo, sidomos të moshuarit dhe personat që vuajnë nga probleme kronike shëndetësore. Ndryshimi i temperaturave të trupit dhe i ujit mund të shkaktojë probleme me qarkullimin e gjakut.
