Vrasja e Arben Gjeçit në fshatin Zall Bastar të Tiranës, tri ditë më parë, vazhdon të jetë e veshur me mister.
Në qeli të dyshuar për vrasjen janë motër e vëlla, Esat dhe Elida Cani, si edhe Dëfrim Kurti bashkëshorti I Elidës.
Policia dyshon se vrasja ndodhi për nder, pasi Esat Cani kapi në një kasolle motrën e martuar me viktimën që ishte baba I tre fëmijëve.
Deri më tani sipas policisë, autorët e dyshuar të ngjarjes kanë dhënë dëshmi kontrakditore, por nuk e kanë pranuar krimin.
Elida Cani është shprehur se nuk kishte lidhje jashtëmartesore me Arben Gjeçin, pork ky i fundit e ngacmonte dhe i priste rrugën shpesh.
Megjithatë Elida Cani ka thënë para hetuesve se nuk I kishte dhënë asnjë lloj afrimiteti Arben Gjeçit.
Ndërsa Esat Cani, që dyshohet si vëllai vrasës, ka pohuar se ditën e ngajrjes ka pasur një debat me Arben Gjeçin, por nuk është ai që e ka qëlluar.
Vështirësia që po has policia ëstë gjetja e objektit më të cilin viktima është goditur, edhe pse disa veshje të viktimës janë gjetur pranë banesës së autorit të dyshuar të ngjarjes.
