Gazeta britanike “The Independent” në shkrimin investigues për trafikun e drogës në Shqipëri, shkruan se vendi është kthyer në Kolumbinë e Europës. Zyrtarët shqiptarë e pranojnë se kapin vetëm 10 përqind të drogës që trafikohet. Por, një diplomat i rëndësishëm perëndimor shkon më larg. Ai tha se kapet vetëm 5 përqind.
‘Kjo u lë trafikantëve kaq pasuri sa për të blerë autoritetet e porteve nga Roterdami në Izmir,” tha ai. Brenda pak vitesh, thonë diplomatët dhe zyrtarët, vendi është bërë selia qendrore e trafikut të drogës në kontinent. Shumë druhen se paratë kanë depërtuar dhe infektuar kaq thellë në elitën politike sa do jetë e vështirë lufta ndaj drogës pavarësisht joshjes për anëtarësim nga BE.
“Është Kolumbia e Europës,”- tha një diplomat perëndimor.
“Eshtë prodhues dhe shpërndarës i drogës në Europë. Eshtë një narko-shtet. Ata do humbasin shumë para nëse heqin dorë nga trafiku për të hyrë në BE”.
Gazetari citon edhe rastin e ish-ministrit Saimir Tahiri, duke thënë se ishte e habitshme që Edi Rama nuk pranoi arrestimin e tij.
Emri i Tahirit doli nga telefonatat mes trafikantëve, shkruan gazetari.
Më poshtë gjeni linkun e artikullit të plotë, por edhe një galeri fotosh të përdorura nga “The Indipendent”.
https://www.independent.co.uk/news/world/europe/albania-drug-cannabis-trafficking-hub-europe-adriatic-sea-a8747036.html
