Nga Edlira Devolli-LEKA
Dy ditë më parë në degën e qytetit të Durrësit u komandua kryetar i PD z.Joni Myshketa. Myshketa
Prezantimi i tij u bë nga z. Enkelejd Alibeaj kryetar në detyrë i PDSH dhe z. Flamur Hoxha sekretar organizativ, dhe deputeti z.Ferdinad Xhaferaj.
Nuk po e trajtoj këtë çështje nga ana e protokollit, por nga mënyra se si baza reagoi.
Ajo që u trumbetua pak javë më parë se dega e PD Durrës u bashkua ditën kur zyrat u përvodhën kaçakshe nuk është e vërtetë.
Pjesa dërrmuese e bazës dhe shumë qytetarë intelektual janë radhitur në krah të kryetarit të ri z. Myshketa dhe janë në mbështetje të PD zyrtare.
Dukshëm, vihet re se qytetaria e Durrësit është pro figurave të reja, të pa përfolura e të pa konsumuara. Vlerën dhe të drejtën e duam të gjithë!
Baza në Dr është e ndarë në tre pjesë, disa me PD zyrtare, disa me rithemelimin dhe disa po qëndrojnë indiferent.
Qytetarët janë pro integrimit, vlerave dhe figurave të pa konsumuara.
Personalisht do mbështes z.Myshketa që në strukturat drejtuese të PD të promovohen qytetarë të ndershëm, me integritet, me vlera konservatoriste, të cilët nuk janë marrë me pazare politike dhe nuk kanë pasur raste ku të jenë përfolur.
Meqenëse komandimi i tij përkoi në të njëjtën ditë kur u zgjodh si kryetar i SPAK z.Dumani, uroj suksese, drejtësi dhe meritokraci!
