Dhjetëra mijëra në rrugët e Karakasit dhe qyteteve të tjera të mëdha, 14 persona vdiqën në përleshje. Presidenti I Këshillit Europian, Donald Tusk, gjithashtu mbështet udhëheqësin e ri. Trump: “Të gjitha opsionet janë në tryezë”. Maduro del në ballkonin e pallatit presidencial: amerikanët të dalin jashtë vendit brenda 72 orëve. Dhe bën thirrje për mobilizimin e njerëzve “agresivë dhe luftarak”
CARACAS – Tensioni në Venezuelë papritmas rritet. Politikani I ri Juan Guaidó, kryetar i Parlamentit, shpalli veten President “pro tempore” i vendit, ai që drejton Parlamentin e dominuar nga opozita është delkaluar në ditët e fundit “i paligjshëm” nga ana e Gjykatës Supreme të kontrolluar nga regjimi.
Në shesh, para mbështetësve të mbledhur në Karakas, Guaidó zyrtarisht nisi sfidën e tij ndaj Nicolas Maduro, i cili dy javë më parë kishte vendosur për një mandat të dytë presidencial, por opozita nuk ka pranuar rezultatet e zgjedhjeve dhe disa vende e konsiderojnë udhëheqësin Chavista si të paligjshëm, shkruan La Repubblica.it.
Maduro u përgjigj me një dalje nga ballkoni i pallatit presidencial në Karakas, dhe tha: “Ne jemi shumica, jemi populli i Hugo Chavez. Jemi në këtë pallat me vullnetin e popullit, vetëm populli mund të na largojë,” shtoi ai, duke paralajmëruar diplomatët Amerikanët të largohen nga vendi brenda 72 orëve. Duke I bërë thirrje më pas ushtrisë, duke kërkuar të jenë të bashkuar. Ministri venezuelian i Mbrojtjes, gjenerali Vladimir Padrino Lopez, tha në një twitt që Forcat e Armatosura “nuk do të pranojë një president të imponuar nga interesat e errëta apo që vetshpallet në kufijtë e ligjit”, duke konfirmuar mbështetjen e tij për Nicolas Maduro.
Dhe në Twitter, Maduro bën një apel: “Njerëzit agresivë dhe ata që luftojnë te mbeten në gatishmëri, gati për t’u mobilizuar për të mbrojtur atdheun e tyre.” Jo grusht shteti, nuk ka ndërhyrje – përfundon Maduro – Venezuela dëshiron paqe.
Donald Trump ishte i pari që njohu Guaido si kreun e shtetit. “Ne nuk konsiderojmë asgjë, por të gjitha opsionet janë në tavolinë”, u tha ai gazetarëve në Shtëpinë e Bardhë, kur u pyet nëse ka për qëllim të dërgojë ushtrinë amerikane në Venezuelë. E prerë, ishte përgjigja e Sekretarit të Shtetit Mike Pompeo për rastin e diplomatëve: SHBA nuk tërheq diplomatët e saj nga Caracas, siç kërkohet nga Maduro, sepse ata nuk e njohin atë si një president legjitim, kështu nuk e konsiderojnë që ka autoritetin ligjor për të prishur marrëdhëniet diplomatike me Shtetet e Bashkuara ose për ti deklaruar persona non grata diplomatët amerikanë. Pompeo pastaj kërcënoi me hakmarrje:. “Ne u bëjmë thirrje të gjitha palëve që të përmbahen nga masat jo në përputhje me privilegjet dhe imunitetet e parashikuara për komunitetin diplomatik Shtetet e Bashkuara do të ndërmarrin hapat e duhur për të vënë para përgjegjësisë të gjithë ata që vënë në rrezik sigurinë e misionit tonë dhe e stafit tonë “.
Pas marrjes së pozitës nga amerikanët, pasoi njohja për Guaidò nga Kanadaja, Argjentina, Brazili, Peruja, Ekuadori, Kosta Rika, Paraguai dhe Meksika. Sot edhe kryeministri Edi Rama njoftoi se perkrah lëvizjen antiqeveritare në Venezuelë dhe njeh presidentin e vetëshpallur. Brazili ka specifikuar se nuk do të marrë pjesë ose të mbështesë një ndërhyrje ushtarake në Venezuelë. Këtë e tha zv. Presidenti Hamilton Mourao: “Brazili nuk do të marrë pjesë në asnjë ndërhyrje, nuk është pjesë e politikës sonë të jashtme për të ndërhyrë në punët e brendshme të vendeve të tjera.”
Edhe presidenti i Këshillit të BE-së, Donald Tusk, ka thënë: “Unë shpresoj që e gjithë Evropa të bashkohet në mbështetjen e forcave demokratike në Venezuelë. Ndryshe nga Maduro, Asamblea Parlamentare, duke përfshirë edhe Juan Guaidò, ka një mandat demokratik nga qytetarët venezueljan “.
Kuba u pozicionua përktrah Maduro. Përmes Twitterit, Presidenti kuban Miguel Diaz-Canel ka shprehur “përktrahjen dhe mbështetjen” e kombit “për presidentin Nicolas Maduro pas përpjekjeve imperialiste për të diskredituar dhe destabilizuar revolucionin”. Ministri i jashtëm kuban, Bruno Rodriguez, e cilësoi masën e Guaidos si “një grusht shteti në përpjekje”./360grade.al
