Në përkujtim të Aleks Nikës, i cili u vra më 21 janar në protestën e organizuar 8 vite më parë nga opozita e Edi Ramës, kreu i PBDKSH Eduart Ndocaj, zhvilloi një homazh nderimi, pikërisht në vendin ku djali lezhian, atë ditë të furishme humbi jetën në bulevardin kryesor të kryeqytetit.
Ndocaj, i cili në mënyrë të përvitshme vjen dhe kryen ritualin e vendosjes së një buqete me lule, në shenjë nderimi për bashkëqytetarin e tij, në një prononcim për njërën nga mediat që ndiqte veprimtaritë përkujtimore të kësaj dite, lëshoi mesazhe të forta politike, duke akuzuar maxhorancwn qeverisëse dhe veçanërisht kryeministrin Rama, si përgjegjës për humbjen e jetëve të katër qytetarëve shqiptarë, 8 vite më parë, në një protestë të thirrur enkas për destabilizimin e vendit dhe për cënimin e rendit kushtetues.
Ndocaj, ka lëshuar akuza të ashpra për kryeqeveritarin, të cilin e cilësoi si manipulues të ngjarjeve të 21 janarit, pasi sipas ‘kaubojsit’, shqiptarët e dinë mjaft mirë se cili është vrasësi i vërtetë i tyre dhe për këtë duhet të kujtojmë se si rrjedhën ngjarjet më vonë me të ashtuquajturën ‘aleancë e qelbësirave’.
Në prononcimin e tij, Ndocaj kërkoi që Rama të mos bëjë më teatër me këtë datë, pasi ai, përmes keqpërdorimit të saj për qëllime politike, po i rivret sërish këta katër qytetarë, si dhe po nëpërkëmb dinjitetin e familjarëve të tyre.
Drejtësia,-shtoi më tej kreu i PBDKSH,- duhet të veprojë në mënyrë të pavarur dhe të nxjerrë para drejtësisë organizatorët e asaj proteste,e cila përfundoi me humbjen e katër jetëve të pafajshme.
Për më shumë ndiqeni të plotë prononcimin e ‘kaubojsit’:
