Teksa ka përshëndetur çeljen e negociatave për në BE, ish deputeti Eduart Ndocaj përmes një video komunikimi me ndjekësit e tij, ka nënvizuar se një arritjrëe e tillë nuk mund t’i atribuohet politikës shqiptare, por thjeshtë zhvillimeve gjeopolitike dhe nevojës së BE-së për stabilitet dhe siguri në skajin Perëndimor të Ballkanit.
Ndocaj, ka deklaruar se integrimi i plotë i Shqipërisë, është një proces i vështirë, të cilin do e minojë klasa politike shqiptare.
Skepticizmin e tij ish deputeti lezhian e shpjegon me korrupsionin e madh qeveritar të këtyre 30 viteve si dhe me aferat e shumta korruptive, sistemin e pandëshkueshmërisë dhe mungesën e shtetit ligjor.
Ndër të tjera, “kaubojsi” në reagimin e tij të ashpër ndaj klasës politike në vend, e cila e ka zvarritur Shqipërinë për më shumë se 20 vite larg ëndrrës europiane, shënjestroi kryeministrin aktual Rama, si shkaktarin kryesor, dhe se shqiptarët duhet mr patjetër ta shporrin nga qeverisja, pasi sekti i rilindjes është i kobshëm për fatet integruese.
Video e plotë:
