Pak ditë më parë kandidati për bashkinë e Lezhës Eduart Ndocaj bëri publike pamjet e rrugës në hyrje të qztetit të Lezhës, e cila ishte në një gjendje skandaloze dhe aspak të denjë për një qytet me flukse të shumta turistike. Ndocaj, përmes atyre pamjeve denoncoi degradimin e asaj pjese të rrugës, si dhe akuzoi keqadministrimin e bashkisë Lezhë, e cila nuk kujdeset për infrastrukurën e qytetit, por përkundrazi vepron në mënyrë arbitrare duke punësuar militantë të shumtë të cilët paguhen nga taksat e qytetarëve, ndërkohë që këta të fundit nuk i marrin këto para përmes shërbimeve të duhuara.
Sot, Ndocaj ka bërë publike pamjet se si bashkia Lezhë po ndërhyn në riparimin e kësaj pjese, duke angazhuar makineri dhe mjete të tjera, të cilat u hodhën në veprim vetëm pas denoncimit të ‘kaubojsit’.
Në publikimin e tij, Ndocaj thekson se kjo pjesë kishte 28 vite e degraduar dhe asnjë administratë nuk kishte reaguar, duke demonstruar një papërgjegjshmëri në kryerjen e detyrës. Punësimi i mbi 1300 militantëve nga kryetari aktual, ndërkohë që rrugët e qytetit po degradojnë dita-ditës, është treguesi i një vizioni të cunguar për zhvillimin e qytetit nga kryetari aktual.