Rusia ka filluar vaksinimin masiv të popullsisë për t’u mbrojtur nga virusi korona!
Sipas BBC, vaksinimi po bëhet në 70 klinika që gjenden në Moskë, të cilat inkurajojnë njerëzit për të kryer procedurën.
Vaksina Sputnik V, u regjistrua në gusht të këtij viti dhe po përdoret fillimisht tek grupet e rriskut.
Një regjistrim i thjesht në Internet u lejon banorëve të qytetit të cilët punojnë si mjek, mësues apo punonjës social, nga mosha 18-60 vjeç, të rezervojnë takime falas për të kryer vaksinimin.
Sipas mjekëve, personat që kanë kryer injeksione të tjera 30 ditët e fundit ose që kanë pasur shqetësime nga sëmundje të rrugëve të frymëmarrjes brenda dy javëve të fundit nuk do të vaksinohen. Gjithashtu dhe ata me sëmundje të caktuara kronike e gratë shtatzëna dhe gjidhënëse.
Secili person që do të vaksinohet do të kryej dy injeksione. I dyti do të kryehet pas 21 ditësh nga i pari.
Mijëra njerëz janë regjistruar tashmë për të kryer fazën e parë të vaksinimit gjatë fundjavës. Ajo që është shqetësuese për ekspertët është fakti se sa vaksina mund të prodhojë Rusia. Sipas të dhënave të deri tanishme prodhuesit pritet të bëjnë vetëm dy milion doza të vaksinës deri në fund të vitit.
