Klima në vitin 2030 pritet të jetë ashtu siç ishte tre milionë vjet më parë, sipas studiuesve në një studim të botuar në Akademinë e Shkencave të SHBA (PNAS).
Kjo periudhë ishte në mes të Pliocenit, kur Toka kishte thatësira, Amerika Veriore dhe Jugore nuk ishin shkrirë ende, Grenlanda ende nuk ishte ngrirë dhe niveli i oqeanit ishte 18 metra më i lartë se tani.
Temperatura mesatare atëherë ishte 1.8 deri 3.6 gradë Celsius mbi atë aktuale. “Ne po shkojmë drejt ndryshimeve dramatike në një kohë shumë të shkurtër,” tha Jack Williams, profesor i Shkencave të Tokës dhe paleo-ekologji dhe ekspert i klimatologjisë në Universitetin e Wisconsin, Medison.
Nëse lirimi i dioksidit të karbonit vazhdon në atmosferë siç është tani, studiuesit vlerësojnë se deri në vitin 2150 Toka do të kthehet në gjendjen në të cilin ishte 50 milionë vjet më parë, në agimin e evolucionit të gjitarëve të parë, kur dinozaurët kishin qenë prej kohësh të zhdukur.
“Shumë lloje do të zhduken. Kjo tregon se ne mund të ndikojmë në historinë tonë dhe të Tokës – kështu që ne kuptojmë ndryshimet aktuale dhe rregullojmë veten”, përfundoi ai.
