Shpetim Axhami, kryetar i PLL
Kërkohet bashkim forcash dhe vlerash për përmbysjen e madhe dhe për realizimin e aspiratave tona.
PARTIA LËVIZJA E LEGALITETIT FTESË TË HAPUR PER BASHKEPUNIM..
Me vendim të Kryesisë së PLL, me numër protokolli 131/1 datë 07.08.2020, është vendosur për një hapje të re të PLL drejt figurave me integritet shoqëror, intelektualë, të rinjë, përfaqësues të shoqërive civile dhe grupeve të interesit.etj
Kjo hapje, konsiston në ridimensionim dhe marrjen e përgjegjësisë nga ana e PLL, si një subjekt i djathtë me pergjëgjësi kombëtare, përballë këtij realiteti dhe situate të trishtë aktuale ku gjendet vendi ynë.
PLL, në zgjedhjet e ardhshme do të jetë e përfaqësuar me kamdidatët e saj, ajo është në fazën e përfundimit të programit elektoral me të cilin do paraqitet para elektoratit dhe në fazën përzgjedhëse të kandidaturave që do të perfaqesojnë atë në zgjedhjet e vitit 2021.
Prandaj, PLL nëpërmjet këtij prononcimi publik, i’u bën thirrje të gjithë shoqatave të ndryshme, të pronarëve, të persekutuarve, antikomuniste dhe të gjithë grupeve të tjera të interesit për sa më poshtë;
-Të unifikojnë pikat programor dhe kërkesa të tyre tyre brenda programit elektoral të PLL.
-Të propozojnë nga brenda tyre kandidatë që do të ju bashkangjiten listave të kandidatëve të PLL.
-Të nēnshkruajmë mes palëve një marrëveshje më të zgjeruar bashkëpunimi mes palëve.
Kjo marrveshje, do të bëj, që të gjithë ne sëbashku të maksimalizojmë numrin e votave, të kemi përfaqësusit tonë në parlament nga ku do të i’u imponohemi fuqishëm kujtdo për plotësimin e kërkesave tona të paplotësuara prej 30- vitesh.
Shoqëria civile dhe shumë grupime të tjera të organizuara në forma të ndryshme duhet të jetë më përcaktuese në vendimmarrjet e parlamentin e ardhshëm
Eshtë momenti që çdo lidership, çdo kryesi drejtuese, çdo individ potencial të mendoj parimisht për atë çfarë përfaqëson duke lënë në një anë interesat e momentit për t’u bërë pjesë e këtij bashkimi me platformat e tyre të veçanta për zhvillim.
PLL e bën këtë ofertë, duke marrë përsipër të gjithë përgjegjësinë si subjekt, me një besim se krijimi i këtij bashkimi nën siglën e saj do të sjellë produktivitet për të ndryshuar realitetin 30-vjeçar.
Eshte MOMENTI, bashkimi për ndryshimin e madh jo thjeshtë për rotacion politik.
