Presidenti i Turqisë, Recep Tayyip Erdoğan po e shton presionin mbi liderët e dy vendeve pasi Kosova dhe Serbia u anhazhuan në Uashingtin të zhvendosin ambasadat në Jeruzalem. Ai zhvilloi biseda të ndara telefonike me homologët e tij nga Kosova dhe Serbia, njoftoi sot Drejtoria e Komunikimeve e Presidencës së Turqisë, transmeton Anadolu Agency (AA).
Erdoğan diskutoi zhvillimet rajonale dhe hapat për të forcuar marrëdhëniet me presidentin e Kosovës, Hashim Thaçi; dhe Serbisë, Aleksandar Vuçiq, theksohet në njoftim ku nuk përmendet shqetësimi real i presidentit turk.
Por ajo që nuk thuhet direkt kuptohet nga interpretimi që agjensia shtetërore turke i bën shqetësimit të Erdoganit takimit në shtëpinë e bardhe.
“Javën e kaluar, presidentët e Kosovës dhe Serbisë u takuan në një dialog dy-ditor të ndërmjetësuar nga SHBA ku Serbia ra dakord të zhvendoste ambasadën e saj në kryeqytetin që vetëm administrata amerikane e njeh si të tillë. Kosova dhe Izraeli ranë dakord të normalizojnë marrëdhëniet dhe të vendosin lidhje diplomatike”.
