1891 persona kanë humbur jetën në 24 orët e fundit në Shtetet e Bashkuara të Amerikës për shkak të COVID-19 duke e çuar në 38 664 numrin në total të viktimave në vend.
Shifrat u njoftuan sot nga Universiteti Johns Hopkins.
“Numri i rasteve të kontaminuara ka arritur në 732 197 që prej fillimit të epidemisë”, shtoi univeristeti që ndodhet në Baltimore.
Lajmi i mirë është se në New York u shënua shifra më e ulët ditore për numrin e viktimave në më shumë se dy javë.
Nju Jorku, që është edhe shteti i goditur më rëndë nga COVID-19, urdhëroi vënien e detyrueshme të maskave ose të mbulesave të fytyrës në publik për të frenuar përhapjen e virusit.
Deri më tani ShBA-ja renditet e para në të gjithë globin për numrin e të infektuarëve dhe viktimave si pasojë e pandemisë së COVID-19.
