Nga Agron PREBIBAJ
Tashmë pas 30 viteve demokraci, pasi shqiptarët kishin përjetuar për 50 vite sistemin totalitar komunist, akoma sot larg standarteve demokratike e ligjore.
Kur në një sistem demokratik pritet për liri e demokraci, për pronë e familje të shënjtë, për funksionim të shtetit ligjor, akoma të kapur nga dhuna e krimi shtetëror të cilën e vuan drejtëpërdrejtë individi, madje i pakursyer përballë shtetit banditesk. Sot Shqipëria dhe qytetarët e saj po kalojnë një krizë të thellë ekonomike, shoqërore e sociale, pasi shteti ka plagosur rëndë shoqërinë duke ju vrarë shpresën për një Shqipëri të pajetueshme, qeverisje e cila detyroi të braktisin vendin e tyre mbi 400 mijë qytetarë në vendet e Europës, duke krijuar papunësi, pasiguri për jetën e pronën.
Një rast për tu veçuar ishin protestat e banorëve të Bregut të Lumit për të mbrojtur shtëpitë e veta nga shëmbja e shtetit kriminal përballë njeriut, duke përdorur veprime antinjerëzore me qëllim për të shtypur protestën jetësore, ndërsa kulmi arrin kur policia e shtetit në orën 7 të mëngjesit me datë 9 prill 2019 përdor ndaj familjarëve gazin helmues(lotsjellës) dhe shkopijtë e gomës, protestë e cila degradoi në dhunë e përgjakje e plot arrestime për qytetarët në mbrojtje të pronës së tyre e veçmas të shtëpive.
I tillë ishte edhe fati i qytetarit Dritan Kurtalija dhe Avni Peposhi, të cilët pasi u rrahën dhe u keqtrajtuan nga policia disa orë në komisariatin e policisë pa ditur asgjë për fëmijët se ku u kishin përfunduar, duke humbur shtëpitë dhe biznesin familjar, biznes i cili shërbente për të ushqyer familjen dhe ishin taksa pagues të rregullt përballë shtetit kriminal. Si pasojë e dhunës së ushtruar ndaj kryefamiljarit Dritan Kurtalija mësojmë se ka humbur vetëdijen dhe po mbahet nën kontrollin e psikologëve.
Nga shëmbja e shtëpisë shtetasi Dritan Kurtalija nuk përfitoi asnjë dëmshpërblim për shtëpinë dhe as biznesin e tij, asnjëherë nuk u legalizua as shtëpia dhe as biznesi vetëm se ishte aktivist i spektrit të djathtë politik, megjithëse gjithçka ishte ndërtuar me djersën e tij dhe e familjes duke paguar të gjitha taksat dhe detyrimet ndaj shtetit, e për pasojë duke kaluar në krizë psikologjike edhe familja e tij, ku edhe vajza është nën kontrollin e psikologëve nga trauma e dhuruar nga shteti kriminal.
Ja pra kjo është fytyra e shtetit kriminal që dhunon qytetarët e vet kur Shqipëria pretendon të jetë anëtare e Bashikimit Europian. Ende shumë larg Europës!
