Njëmbëdhjetë pengje të krishterë u vranë nga terroristët e Shtetit Islamik në Nigeri në ditën e Krishtëlindje. Provinca e Afrikës Perëndimore të Shtetit Islamik (ISWAP) pretendon se ata vranë robërit për t’u hakmarrë për vrasjen e udhëheqësve të tyre Abu Bakr al-Bagdadi dhe Abul-Hasan Al-Muhajir në Irak dhe Siri.
Një video e publikuar të Mërkurën tregoi 13 pengje, 10 besohet të jenë të krishterë dhe tre myslimanë. ISWAP pretendoi se ata kursyen jetën e dy prej muslimanëve, raportojnë media lokale. Vdekjet erdhën pasi në një video te mëparshme shihej se si pengjet u lutën pranë Shoqatës së Krishterë të Nigerisë (CAN) për të negociuar lirimin e tyre.
Në një deklaratë, ISWAP tha: ‘Ne i vramë ata si hakmarrje për vrasjet e udhëheqësve tanë, përfshirë Ebu Bekr al-Bagdadi dhe Abul-Hasan Al-Muhajir në Irak dhe Siri’.
Sekretari i Përgjithshëm i Kombeve të Bashkuara Antonio Guterres ofroi ngushëllimet e tij, përmes Stephane Dujarric duke thënë në një deklaratë: “Sekretari i Përgjithshëm është thellësisht i shqetësuar për raportet që civilët janë ekzekutuar, dhe të tjerë të rrëmbyer, nga një grup i armatosur në shtetin verior Borno, Nigeria verilindore. Ai shprehu ngushëllimet e tij të thella për familjet e viktimave dhe rithekson solidaritetin e Kombeve të Bashkuara me njerëzit dhe qeverinë e Nigerisë.”
