Përmes një deklarate të shprëndarë në rrjetet sociale, kreu i Legalistëve shqiptarë, Shpëtim Axhami ka reaguar ashpër në lidhje me të ashtuajturën “paketë antishpifje”, duke e konsideruar një provokim ekstrem nga ana e qeverisë dhe e kryeministrit Rama, i cili synon përmes këtij ligji të hedhë një hap drejt kontrollit total mbi fjalën e lirë dhe asfiksimit të zërit opozitar që buron nga shpirti i njerëzve të lirë.
Axhami, ka lëshuar apelin e tij për të mos e lejuar miratimin e një ligji të tillë, pasi koha dhe brazat nuk do na e falin dhe për këtë do na konsiderojnë bashkëfajtorë që kemi pranuar ti nënshtrohemi një njeriu të vetëm, që është Edi Rama.
“Ka ikur koha dhe nuk duhet të kemi frikë, të tërhiqemi përballë çdo shantazhi dhe provokimi ogurzi, që kërkon të vrasë atë të cilën sejcili prej nesh e ka të drejtën më legjitime, më të shenjtë dhe më të domosdoshme siq është FJALA E LIRE”, shprehet në deklaratën e tij kreu i PLL, Shpetim Axhami, i cili nënvizon, se është koha për ti thënë STOP, propagandës së shpifjeve qeveritare.
Legalistët shqiptarë, me ardhjen në krye të tyre të Shpetim Axhamit, janë sot një vokacion mjaft i rëndësishëm opozita dhe publik, si dhe gjithnjë e më shumë po shfaqen si një formacion politik me konture të qarta programore, duke qenë padyshim, një subjekt me peshë të konsiderueshme elektorale në skenën politike shqiptare.
Nga Shpetim Axhami
Kryetar i PLL
Këtë javë, pritet të miratohet paketa anti-shpifje e qeverisë aktuale të dështuar. Kjo ndodh, pikërisht për të fshehur dhe për të zgjatur dështimin e saj, nga frika e reagimit nëpërmjet fjalës së lirë prej individëve dhe mediave me kurajo, që fatmiresisht të pakta, por egzistojnë akoma. Nuk është rastësi kjo, që “rilindja” e kohëve të sotme, pikërisht në dhjetorin e luftës për liri dhe demokraci, në dhjetorin e përpjekjeve të shqiptarëve për të shpëtuar nga terri komunist, kërkon asfiksimin e lirisë së shprehjes nëpërmjet kësaj pakete antidemokratike.
Kushdo që është i drejtē, komod dhe transparent, jo i korruptuar dhe ligjzbatues, i ndershëm dhe i paperlyer nuk ka frikë nga realiteti dhe nga fjala e lirë. Paketa “anti-shpifje” që pritet të miratohet, nëse po, e lejuar kjo prej nesh, do të na bënte të gjithëve fajtor, të përulur përpara një individi si KM i sotëm dhe përpara një qeverie të tillë që për interesa të veta kërkon të vrasë themelet e demokracisë. Ka ikur koha dhe nuk duhet të kemi frikë, të tërhiqemi përballë çdo shantazhi dhe provokimi ogurzi, që kërkon të vrasë atë të cilën sejcili prej nesh e ka të drejtën më legjitime, më të shenjtë dhe më të domosdoshme siq është FJALA E LIRE. Kjo merr kuptim më tepër, kur për liri shprehje dhe për shpifje realiteti flasin ato, që në thelb të gjithçkaje kanë propogandën dhe deformimin e realitetit nëpërmjet zbukurimeve mediatike.
Kujt i flet për shpifje dhe për realitet mediatik, KM Rama dhe qeveria e tij, ndërkohë kur shumica e shqiptarëve e dijnë, se këto drejtuesë aktualë qeverisës, kanë blerë shumicën e mediave nëpërmjet parave të pista dhe shantazhimeve, kanë denigruar gazetarët më të njohur, kanë krijuar madia dhe TV privat me emrin e tyre, dhe nëpërmjet propogandes shpifëse, fshehin realitetin, mpinë trurin e çdo shqiptari, vetëm dhe vetëm, të zgjasin jetgjatësinë qeverisëse. Ka ikur koha e çfardolloj qeverie, që kërkon mbyllje dhe hermetizim të të drejtave të individit. Ta di mirë kushdo, të cilin mund të e gënjejë mendja, se shoqëria shqiptare, intelektualizmi dhe qytetaria jonë ka kurajo, forcë dhe potencial të gjithanshëm, për të mos e pranuar një gjë të tillë, pavarsisht kostos që mund të ketë.
Prandaj, është detyrimi më i vogēl i sejcili prej nesh, që përpara lirisë në përgjthësi dhe fjalës së lirë në veçanti, nuk vë interesat politike, të reagojë për të i thënë të gjithë sëbashku, STOP paketes “anti-shpifje” STOP propogandës së shpifjeve qeveritare, e cila kërkon të na errësojë sytë, të na mbyllë gojën dhe të na shurdhojë veshët nëpërmjet kësaj pakete “anti-shpifje” të miratuar prej vetë shpifësve.
