Në fund të kësaj jave pritet të publikohet raporti i ekspertizës për aktivistin e ndjerë të Lëvizjes Vetëvendosje, Astrit Dehari.
Lajmin e ka konfirmuar për “Gazeta Blic” zëdhënësja e Prokurorisës Themelore në Prizren kryeprokurori i Prizrenit, Fitore Mehmeti- Sejrani.
“Referuar kërkesës dhe pyetjeve tuaja, Prokuroria Themelore në Prizren, ju njofton se brenda kësaj jave pritet të përkthehet dhe të publikohet raporti për rastin e Astrit Deharit. Andaj, për çdo eventualitet, do të njoftoheni me kohë”, tha Mehmeti- Sejrani
Më të arritur ky raport, prindërit e Astritit, kishin shkuar në Prizren për ta kërkuar rapotin, por Prokuroria Themelore e Prizrenit nuk ua kishte dhënë.
Pas takimit gati njëorësh me kryeprokrorin Admir Shala, babai i Astrit Deharit, Avniu kishte thënë se kryeprokurori nuk ua dha raportin në gjuhën origjinale, me arsyetimin se ai është duke u përkthyer në shqip.
Dehari ka thënë se nuk kanë besim në institucionet e Kosovës, të cilat, sipas tij, nuk e kanë njoftuar zyrtarisht as për vdekjen e djalit e tij, e as për arritjen e raportit të ekspertizës nga Zvicra.
“Iu drejtova personit kontaktues në Zyrën e Kryeprokurorit të Kosovës dhe personi që u paraqit në telefon ishte administratori, i cili në mënyrë shumë arrogante më tha se nuk e kam numrin e kryeprokurorit. U detyrova t’i them që të mos më thonshte se nuk e kam numrin, por që nuk dëshironi të ma dhuroni – sepse ajo këtë detyrë ka”, ka thënë Dehari.
Ndryshe se Porkurori Shala ditën kur njoftoi se ka mbërritur në Kosovë raporti kishte deklaruar në një konferencë për media se Prokuroria nuk e di përmbajtjen e raportit, por pas përkthimit të tij opinioni publik do të njoftohet me përmbajtjen, çka kishte kërkuar përmbajtje në deklarime dhe prononcime./Gazeta Blic/
