Tifozët skocezë që kanë mbërritur në Shqipëri për të ndjekur kombëtaren e tyre në përballjen me Shqipërinë në kuadrin e “Ligës së Kombeve’, duke se po e shijojnë qëndrimin në Shkodër.
Të veshur në mënyrë karakteristike sipas kulturës skoceze ata janë parë duke kënduar dhe kërcyer. I ndodhur afër tyre, gazetari I Top Channel Endi Tufa, është surprizuar prej tyre. Tufa po raportonte nga Shkodra për ndeshjen Shqipëri-Skoci që do të zhvillohet sot në mbrëmje, kur ndodhi diçka e pazakontë.
Tifozët skocezë që ishin pas tij, fillimisht i vunë në kokë gazetarit një kapele dhe vazhduan të kërcenin dhe këndonin.
Më pas, kur Endi Tufa nuk e priste aspak, njëri prej tyre i erdhi nga pas dhe e puthi në faqe duke shkaktuar të qeshura tek të gjithë të pranishmit.
