U deshtë me ardh gjermani me na tregua ne se në Shqipëri votat blihen. Se në Shqipëri të bahet presion, të shkarkojnë nga puna po nuk u binde, të transferojnë, të shkaktojnë njëmijë e një probleme deri tek nota e femijës në shkollë, apo tek ilacet e pensionistëve në rimbursim, apo tek ndihma ekonomike, tek kempi… thjeshtë për me ta marrë votën.
Tash këto nuk janë ma tregime urbane, as përralla provinciale por prova të pakontestueshme që vertetojnë degradimin e qeverisë. Krimin në pushtet. Dhunimin e përdhunimin masiv të qytetareve dhe të drejtave të tyre.
Çfarë bëjnë organet kompetente? Nuk arrestojnë kriminelet por ato që mbrojnë drejtesin.
Nuk hapin hetim mbi pergjimet dhe personazhet që dalin, por kërkojnë kokën e atij që i nxorri. Nuk marrin masa për ndalimin e krimit, por inkurajojnë kriminelet duke ju thënë: “ju jeni të paprekshëm vëllai, nana, baba” e të gjitha punëve në vend.
Kurrë ma posht nuk ka ra morali i qeverisë, as i Shqipërisë para syve tanë e të mbarë botës. Por ky degradim duhet ndalur. Siç shihet jemi në diktaturë. Qeveria në pushtet kërkon të mbylli gojët e të gjithëve ne.
Kush mendon se këto arrestime të bujshme të demokratëve protestues e mbrojtës të së drejtave qytetare e njerëzore do e shuaj zëri tonë, do na intimidojnë apo friksojnë e kanë gabim. Ne nuk do të bëjmë asnjë hap pas! Ejani dhe na arrestoni të gjithëve!
Jemi pasardhësit e atyre që u martirizuan për liri e demokraci.
Shifemi para Bashkisë në orën 18:30 shihe se si Shkodra banë histori dhe i prin ndryshimit sërsh.
Uragani vazhdon drejt Tiranës, nesër mblidhemi në shesh orën 20:00
Asnjë hap pas!
