I nderuari avokat, z. Gashi
Trenin e lejuat, ju avokatët e Kosovës të ju ikë, sepse bënit pazare me avokatët e kriminelëve serbë dhe thjesht, shteti i Kosovës i amnistoi shumicën e kriminelëve, përfshirë edhe superkriminelët e Gardës së Car Lazarit, që sot janë amnistuar dhe kamufluar edhe me uniformën e Policisë së Kosovës.
Thjesht, ju avokatët nuk e kishit fare problemin e krimeve serbe, por merreshit me patundshmëritë serbe, që u stërpaguan nga shqiptarët disa herë. Po ju pyes juve si avokat me nam, a keni ngritur ju dhe Oda e Avokatëve të Kosovës ndonjë aktakuzë, apo thjesht, a keni bërë pazare me Odën e Avokatëve të Serbisë sipas tekeve të dy qeverive PDK, LDK, që po kërkonin pajtim me çdo kusht, jo vetëm duke i amnistuar kriminelët serbë, por edhe duke fshehur krimet sipas tekeve politike për të mos e prishur ekuilibrin me subijektet politike serbe, që vite me radhë, në Parlamentin e Kosovës bënin blok, sa herë që donin dhe që krijimi i qeverive të kaluara, por edhe të sotme varej nga to.
Pra, vërtet treni ka ikur, por krimi kurrë nuk vjetërohet, ore i nderuar. Shteti izrailit i kërkoi llogari Gjermanisë së Helmut Kolit pas 56 vjetëve dhe e mori shpërblimin shumëmiliardësh. Armenët po i kërkojnë llogari dhe dëmshpërblim Turqisë pas 100 vjetësh, ashtu siç duhet t’i kërkojmë edhe ne Serbisë llogari, jo vetëm për krimit e kryera gjatë luftës së fundit, por edhe për krimet serbo-turke, të kryera gjatë historisë apo thjesht, nga viti 1878, për të mos hyrë nga viti 1389. Por, ja që mungon vullneti politik, së pari e pastaj, edhe iniciativat e juristëve profesionistë……..
Kape trenin e fundit, avokat Gashi dhe bëhu pjesë e historisë. Ky rast rrallë i jepet dikujt apo ndoshta viktimat nuk kanë mjaft para për të paguar për një gjë të tillë.
