Një grua 61-vjeçare, Cecile Eledge, solli në jetë një vajzë me konceptim in vitro, për djalin e saj homoseksual Matthew, i cili është i martuar me Elliott Dougherty.
Gruaja amerikane nga Nebraska, tha për mediat se, “Doja të bëja një dhuratë, si nëna djalit”. Ky është rasti i parë në botë i një vajze të ardhur në jetë nga gjyshja me farëzim artificial, ku është përfshirë edhe motra e Dougherty.
Matthew humbi punën si mësues në një shkollë katolike të Nebraska, pasi deklaroi se do martohej me parterin e tij. Çifti duke jetuar në një vend konservator, druhej se nuk do iu mundësohej adoptimi i një fëmije.
Kështu çifti vendosi që të tentojë fekondimin in vitro, ku motra e Dougherty, Lea Yribe, dhuroi vezët e saj, Eledge spermën dhe embrioni u vendos në trupin e nënës së Mathew, e cila u shpreh e gatshme për shtatzëninë, pasi mjekët konfirmuan gjendjen e mirë shëndetësore të saj, shkruan noa.al.
Uma Louise Dougherty Eledge, erdhi në jetë dy javë më parë duke lumturuar dy bashkëshortët, por edhe familjarët e tyre. Por qysh pas lindjes së vogëlushes, në rrjetet sociale kanë shpërthyer komente të shumta kritike, ashtu si dhe mbështetëse për familjen e re.
