Balina Bodinaku zbuloi një histori të panjohur deri më sot, duke thënë se roli i saj si opinioniste në edicionin e parë të Big Brother VIP Albania solli tensione të forta në marrëdhënien me bashkëshortin, Andin. E ftuar në emisionin “Weekend” në Klan Kosova, ajo rrëfeu se vendimi i saj për të qenë pjesë e spektaklit nuk u mirëprit fare në familje.
Sipas Budinakut, Andi e ka kundërshtuar hapur angazhimin e saj në këtë format, gjë që çoi në një periudhë të pazakontë heshtjeje mes çiftit.
“Kur pranova të isha opinioniste e BBVA, Andi nuk ishte aspak pro. Nja dy muaj nuk kemi folur. Nuk ishte betejë… ishte thjesht kokëfortësi,” tregoi ajo.
Ajo shpjegoi se nuk pati një grindje të madhe, por një ngërç i krijuar nga kokëfortësia e të dyve për të mbrojtur mendimin e tyre. Sipas saj, situata u kthye në një përplasje karakteresh, më shumë sesa në një konflikt të vërtetë.
Balina zbuloi gjithashtu se periudha kur mori ftesën për BBVA ka qenë një nga më sfidueset e jetës së saj, pasi erdhi menjëherë pas një situate të vështirë shëndetësore.
“Ajo kohë për mua ishte: dil nga spitali dhe shko në BBVA. Ishte sfiduese, një eksperiencë e fortë. Nuk i njihja as konkurrentët në fillim, por ishte diçka që nuk mund t’i thoja ‘jo’,” u shpreh ajo.
Ajo shtoi se ngarkesa emocionale e edicionit të parë ndihej në çdo korridor të produksionit, një presion i cili përfshinte jo vetëm konkurrentët, por edhe gjithë stafin.
Rrëfimi i Balinës hedh dritë mbi sakrificat e fshehta që ndodhin prapa ekranit, duke treguar se edhe për ata që shfaqen të fortë në publik, suksesi shpesh ka pas vetes sfida personale të thella.
