Jennifer Aniston duket se është në një nga momentet më të lumtura të jetës së saj personale. Sipas mediave të huaja, aktorja e njohur është e gatshme të hedhë një hap të madh me partnerin e saj të ri, Jim Curtis.
Burime pranë çiftit kanë zbuluar se marrëdhënia e tyre po zhvillohet me shpejtësi dhe intensitet. “Jen dhe Jim janë të çmendur pas njëri-tjetrit. Ajo është lodhur duke luajtur lojëra dhe është plotësisht e përkushtuar në këtë romancë”, tha burimi për mediat.
Thuhet se Jim Curtis ka treguar përkushtim që në fillim të lidhjes, duke e bërë të qartë që në takimin e parë dëshirën për të ndërtuar një të ardhme së bashku. “Ai ka një ndjeshmëri të veçantë për nevojat e saj dhe duket se Jennifer më në fund ka gjetur burrin e jetës,” shtohet më tej.
Nëse gjithçka shkon sipas planit, kjo do të ishte martesa e tretë për Aniston, pas martesave me Brad Pitt dhe Justin Theroux. Sipas burimeve, çifti po planifikon një ceremoni intime në një plazh në Cabo, ku do të jenë të pranishëm vetëm miqtë më të ngushtë.
“Janë shumë të emocionuar për të ardhmen dhe mezi presin të shkëmbejnë betimet,” përfundon burimi.
