Pas përhapjes së një fotografie ku këngëtarja me famë botërore, Dua Lipa, shihej duke tymosur cigare gjatë pushimeve të saj, babai i saj, Dukagjin Lipa, ka reaguar për herë të parë. Në një intervistë për emisionin “Pushime On Top”, ai ka sqaruar situatën dhe ka folur hapur për zakonet e vajzës së tij.
“Dua nuk e pi cigaren para koncertit. As alkool nuk pi, as cigare nuk pi. Kur jemi në turne nuk pi. Kur është në pushim, pi,” – u shpreh ai, duke nënvizuar se këto janë zgjedhje personale që nuk ndikojnë në performancat apo profesionalizmin e saj në skenë.
Dukagjini theksoi se Dua është një artiste e rritur dhe e pavarur, dhe se ajo ka të drejtë të vendosë për jetën e saj personale, pa paragjykime kulturore apo sociale.
“Nuk e besoj që në shekullin 21-të ka rëndësi nëse je shqiptar apo amerikan. Nëse vajza jote i ka 29-30 vjet, çfarë të drejte ke t’i thuash ‘pi’ ose ‘mos pi’,” – tha ai.
