Aktivistja dhe kantautorja shqiptare shpallet “Top Finaliste Botërore” në Sanremo Senior 2025 me kauzën e saj nga Shqipëria.
Në skenën legjendare të Teatrit të Kazinosë së Sanremos, aty ku kanë kënduar emrat më të mëdhenj të muzikës italiane si Mina, Celentano dhe Modugno, këtë vit jehuan emocionet e një zëri shqiptar që solli art, shpirt dhe ndërgjegje shoqërore.
Nertila Haxhia, aktiviste dhe kantautore shqiptare, u shpall Top Finaliste Botërore në Festivalin prestigjioz “Sanremo Senior 2025”, duke përfaqësuar me dinjitet Shqipërinë në mesin e qindra artistëve nga e gjithë bota.
Performanca e saj u veçua për thellësinë emocionale dhe mesazhin e fuqishëm që përcolli,duke u certifikuar ne Top Finalistet fitues. Juria, e përbërë nga personalitete historike të muzikës italiane, ndër ta edhe legjendarja Vilma Goich, vlerësoi interpretimin e Nertilës për autenticitetin, forcën dhe emocionin që arriti të transmetojë në skenë. (E. D/ infopressalbania)
