Juristi Ylli Manjani tha në emisionin Now në Euronews Albania se në kërkesën e Partisë Demokratike për shkarkimin e Presidentit të Republikës, një shkelje e rëndë është ndërprerja e mandatit kushtetues të një gjyqtari të Gjykatës Kushtetuese.
Sipas Manjanit, pika dy e kërkesë së PD, që ka të bëjë me përpjekjet për të ndërprerë mandatit e gjyqtares së Kushtetueses, Sonila Bejtja është një shkelje e rëndë e aktivitetit të presidentit.
“Kushtetuesja me pezullimin që i bëri për zgjedhjet e Tiranës e ka kapur në flagrancë Begajn për nenin 115 të Kushtetutës. PD është ndalur te veprimtaria e dekreteve të Presidentit, ka një pikë të dytë që nesër është pragu i grabitje së dytë Kushtetuese që mund të ndodhë në Shqipëri për shkak të aktivitetit të Bajram Begajt; kërkohet rrëmbimi i një mandati kushtetues të një gjyqtari të Gjykatës Kushtetuese, zonjës Sonila Bejtja e cila ka sot në dorë një dekret emërimi me mandat të plotë nga Presidenti i Republikës. Begaj nëse ka problem me dekretin e Metës, duhet të shfuqizonte atë dekret, të nxirret të një tjetër si e mendon ai, pastaj të kishim një konflikt. Por çfarë bën zotëria, thotë më thoni ju një herë ta marrë a mos ta marrë vendimin, ca e ka Gjykatën Kushtetuese ai, këshilltare?
Nuk funksionon Kushtetuesja e një vendi si këshilltare e Presidentit, gafë e rëndë. Nëse Kushtetuesja do bëjë atë që kërkon Presidenti, aty kërcet pazari…”, tha Manjani.
