Pas rinumërimit të votave të qarkut Fier, rezultoi se socialistja Zegjine Çaushi mori më shumë vota të pamerituara, duke humbur kështu mandatin e deputetes, që e fitoi kolegia e saj, Maldrita Bardho.
Kjo e fundit, përmes një postimi në rrjete sociale, u shpreh se është e gatshme që mandatin e deputetes t’ja japë Çaushit, me justifikimin se ajo ka luftuar ndoshta më shumë për skuadrën rozë.
Por si shihet ky vendim nga ana e KQZ-së?
Ledio Braho, anëtar i Komisioni i Ankimimeve dhe Sanksioneve, ka komentuar këtë vendim të Bardhos për Klan News ku u shpreh se vendimin final do të jepet nga Komisioneri Shtetëror i Zgjedhjeve, kur të shpërdahen mandatet. Për mendimin e tij, Braho duhet ta japë një dorëheqje të tillë nga mandati, nga salla e Kuvendit në shtator.
“Juridikisht, besoj se kësaj do i japë zgjidhje Komisioneri Shtetëror i Zgjedhjeve, në momentin e shpërndarjes së mandateve. Unë jam i idesë që zonja Bardho duhet të paraqitet në Kuvend në shtator dhe atje të heqë dorë nga mandati, e pastaj të bëhet zevëndësimi. Megjithatë, nuk e di si do të vijojë procedura administrative se unë thjesht një reagim në rrjete sociale kam parë. Kjo është për t’u parë”, tha ai.
Nga ana tjetër, lënia e mandatit në këtë mënyrë që ta marrë dikush që është votuar më pak, sipas Brahos cënon në thelb sistemin zgjedhor, si dhe votimin preferencial, pasi qytetarët e kanë votuar atë për të qenë të përfaqësuar prej saj.
“Sa i përket demokracisë, unë besoj se është e padrejtë që një kandidat që ka dalë dhe ka bërë fushatë, ka qenë pjesë e listave të hapura, merr më shumë vota se një kandidat tjetër, të dorëhiqet, për t’i lënë vendin një kandidateje tjetër. Kjo cënon në thelb sistemin zgjedhor. Cënon në thelb atë që njihet si votimi preferencial. Por, megjithatë, kjo është një çështje që kushdo e vlerëson vetë dhe e vlerëson se sa ndikon tek demokracia”, tha
