Analisti dhe gazetari Mentor Kikia, ka folur për votën e shqiptarëve që jetojnë jashtë vendit, duke thënë se parësore është standardi.
Sipas tij është e rëndësishme që që procesi të jetë i besueshëm, i pakundërshtueshëm dhe i drejtë.
Kikia tha në studion e emisionit ‘Log.’ se nëse “me votën e diasporës do të veprohet si me zgjedhjet në Dibër, i kemi bërë një dëm të jashtëzakonshëm sepse kemi shembur dhe shkatërruar që në hapin e parë një proces që po luftohet si jashtë ashtu brenda vendit, për dekada”.
Kikia: Sesi do votojnë shqiptarët jashtë dhe çfarë roli do të luajnë në trazimin apo vijimin e të njëjtës situatë të gjendjes politike, dua ta konsideroj dytësore.
Parësore unë do të quaja standardin. Nëse me votën e diasporës do të veprohet si me zgjedhjet në Dibër, i kemi bërë një dëm të jashtëzakonshëm sepse kemi shembur dhe shkatërruar që në hapin e parë një proces që po luftohet si jashtë ashtu brenda vendit, për dekada. Kjo proces realizohet tani sepse tani do partia në pushtet.
Është shumë e rëndësishme që procesi të jetë i besueshëm, i pakundërshtueshëm dhe i drejtë.
Ne na shkon gjuha te e keqja, sepse çdo proces zgjedhor ka kaluar përmes manipulimit dhe nuk është pranuar nga kundërshtari. Kjo është shumë e rëndësishme të mos ndodhë me votën e emigrantëve.
