Kreu i PD-së. Sali Berisha, gjatë fjalës së mbajtur në tubimin e sotëm, ka folur edhe në lidhje me vrasjen e 42-vjeçarit Egli Proga nga Denis Meçe në Pogradec, si dhe në lidhje me vendimin e drejtësi, e cila i zbuti akuzon autorit dhe liroi 3 shokët e tij nga burgu.
Berisha tha se tohgat e zeza u vërsulën sot mbi babain e dy fëmijëve për ta ekzekutuar për herë të dytë. Sipas liderit demokrat, ky akt ka në bazë doktrinën kriminale të Edi Ramës.
Sali Berisha: Të dashur miq, në emër tuaj unë duhet t’i shpreh solidaritetin tonë njerëzor familjes Proga, e cila pasi humbi nga dorë vrastare e mafies njeriun e vet më të çmuar, babanë e dy fëmijëve, pa sot togat e zeza të vërsuleshin mbi të, ta ekzekutonin për së dyti, të lironin në sallën e gjyqit tre nga katër bashkëpunëtorët e vrasjes së njeriut të tyre. Ky akt kriminal sa ç’ishte vrasja nga gjobaxhiu i Rilindjes i babait të dy fëmijëve, është një akt që revolton çdo qytetar dhe qytetare të këtij vendi. Është një akt që ka në bazë doktrinën kriminale të Edi Ramës. Ata që u liruan fshehën krimin monstruoz. Natyrisht krimin monstruoz e fshehën edhe narkokriminelë me uniformë, por të afërt në krim, në dijeni dhe çdo gjë! Ky është një shembull i fundit i shtetit të krimit që sundon në këtë vend.
