Drejtuesi politik i Partisë së Lirisë në Qarkun e Beratit, ka reaguar në lidhje me protestën e banorëve të fshatit Perondi kundër Bashkisë së Kuçovës, e cila i ka lënë në mëshirë të fatit në lidhje me investimet, si dhe kanë problematika me ujërat e zeza, të cilat kur bie shi iu dalin në sipërfaqe dhe iu përmbytin banesat dhe tokat.
Në një postim në rrjetet sociale, Maliqi e konsideron kryebashkiakun e Kuçovës Kreshnik Hajdarin si të paaftë dhe të korruptuar, teksa sipas tij, ai e ka vendin në burg.
Maliqi shkruan më tej se SPAK fle mbi dosje dhe zvarrit hetime edhe pse ka patur 11 kallëzime penale për Hajdarin dhe denoncime të shumta për abuzimet prej tij.
“Shihni Videon!Mibështetje të plotë protestës së banorëve të Perondisë, kundër Bashkisë dhe të dënuarit, Kryetar Bashkie, të paaftit Hajdarit të korrupruar, i cili e ka vendin në Burg.Spak fle gjumë, zvarrit hetimet, 11 kallëzime për abuzime janë dorëzuar për të dënuarin Hajdari! Mediat, portalet, televizionet, çdo javë e çdo muaj pasqyrojnë skandalet në Bashkinë Kuçovë, për tendera korruptivë me qentë, plehrat varrezat, ujin e Sinecit, Tregu i lënë si kandahar, Muzeu si germadhë, rrugët e Stadiumi skandal etj. etj. Mirënjohje banorëve të Perondisë, Lumasit, Kozares dhe Kuçovës! Së bashku do e kthejmë Bashkinë Kuçovë model ndërtimi dhe vetëm në shërbimin tuaj. Koha e ‘hajdarëve’ do iki shpejt!” – shkruan Maliqi.
