Ka përfunduar pas 6 orësh Konventa e Partisë së Lirisë, e mbajtur në Pallatin e Kongresve në Tiranë. Gjatë Konventës janë prezantuar edhe objektivat e Partisë së Lirisë, ku njëra ndër ta mbetet që Shqipëria të ketë popullsi prej së paku 4 milionë banorë.
Meta: Siç e shikoni kjo konventë nuk u mbyll asnjëherë për publikun. Kush donte të fliste foli, kush donte të kandidonte kandidoi.
Meqë Këlliçi dhe Balliu na nderuan, ne iu kthejmë vizitën në orën 20.00 te “Bulevardi i Shpresës”. Ftoj të gjithë anëtarët dhe simpatizantët të na bashkohen te “Bulevardi i Shpresës”.
Përshëndes të gjithë simpatizantët tane që nga halli janë larguar nga vendi”.
Në këtë Konventë, Meta hodhi edhe akuza ndaj kundërshtarëve politikë, ndërsa paralajmëroi anëtarët se kush është me të mund të qëndrojë në parti. Në këtë Konventë foli edhe Monika Kryemadhi, që deklaroi se nuk duhet që të abuzohet me fjalën nepotizëm.
Ndërkohë, pas përfundimit të votimit pritet edhe rezultati i zgjedhjeve në Partinë e Lirisë.
