Princ Leka dhe Elia Zaharia njoftuan disa ditë më parë se i kanë dhënë fund martesës së tyre disa vjeçare nga e cila kanë një vajzë, Geraldina.
Lidhur me këtë ngjarje ish-këshilltari për marrëdhëniet me publikun në oborrin mbretëror, Erion Teli ka treguar se cila është arsyeja e kësaj krisje mes princit dhe aktores së njohur. Teli ka përgënjeshtruar lajmet se motiv për ndarjen ka qenë lidhja e princit me fotografen Blerta Celibashi, duke theksuar se martesa e tyre ka marrë fund para 1 viti e gjysëm.
“Absolutisht nuk është e vërtetë. Princi nuk është njeri që luan me dy standarde. Princi gjatë kohës që ka qenë me zonjën Zahari ka qenë njeri besnik. Nuk luan me dy standarde. Me zonjën Blerta Celibashi kanë një muaj e gjysmë që shoqërohen. Me zonjën Zaharia ka më shumë se 1 vit e gjysëm që mund të quhet e mbyllur.
Princi Leka dhe zonja Zaharia kanë më shumë se 1 vit e gjysëm që të bënin të mundur funksionimin e martesës, muajt e fundit ishte e vështirë që ta kapërcenin dhe vendosën t’i jepnin fund martesës. Zonja Zaharia përveçse si aktore ajo është dhe Drejtorshë e Teatrit Kombëtar, agjenda e saj është e ngjeshur. Princi ka patur agjendën e tij, kjo ka bërë që të nxjerrë përplasjet e para. Të dy janë prindër shumë të mirë. Princi është një baba shumë i mirë. Të dy kanë vendosur që kjo marrëdhënie të marri fund”, ka treguar ai.
