Një person është arrestuar pasi dyshohet se ka ngacmuar seksualisht një shtetase të mitur 15 vjeçe.
“Specialistët për Hetimin e Krimeve të Komisariatit të Policisë Nr. 2 arrestuan shtetasin M. H., banues në Tiranë, pasi dyshohet se ka ngacmuar seksualisht një shtetase të mitur 15 vjeçe”, thuhet në njoftim.
Ndërkohë një 42-vjeçar me banim në Babrru u arrestua për dhunë ndaj bashkëshortes dhe djalit të mitur.
“Specialistët për Hetimin e Krimeve të Komisariatit të Policisë Nr. 5 arrestuan shtetasin F. K., 42 vjeç, banues në Babrru, pasi ka ushtruar dhunë ndaj bashkëshortes së tij, si dhe ndaj djalit të tyre të mitur”, vijon njoftimi.
