Pasi fitoi garën në primaret e organizuara ditën e djeshme për bashkinë e Pukës, Rrok Dodaj, përmes një mesazhi në profilin e tij facebook ka shprehur mirënjohjen dhe respektin për demokratët, të cilët i dhanë masivisht besimin e tyre për të qenë ky kandidat për kreun e bashksië së Pukës më 14 maj.
Gjithashtu, Dodaj ka falënderuar dhe 3 kandidatët e tjerë pjesëmarrës në këtë garë, të cilët pavarësisht rezultatit, u angazhuan pozitivisht në përmbylljen me sukses të këtij procesi.
Mesazhi plote i z. Rrok Dodaj:
Të dashur demokratë pukjanë, anëtarë të Partisë Demokratike e simpatizantë!
Ju shpreh mirënjohjen dhe respektin tim të pakufishëm për mbështetjen tuaj ditën e djeshme në zgjedhjet e primareve për kandidat për kryetar të Bashkisë Pukë.
Dita e djeshme për gjithë demokratët pukjanë ishte e vecantë, në një garë të denjë mes demokratëve. Demokratët pukjanë, si gjithmonë, edhe në këtë proces, me pjesmarrje masive, dëshmuan përkushtimin, vullnetin e tyre dhe besimin e plotë për ti paraprirë ndryshimit të shumëpritur me 14 Maj 2023 në zgjedhjet vendore.
Dua të falenderoj edhe 3 kandidatët e tjerë pjesmarrës në këtë garë, që bashkarisht përmbyllëm një proces, ku të gjithë dhamë kontributin maksimal për një ecuri pozitive, dhe ja arritëm qëllimit të përbashkët, por që, po së bashku me të gjithë demokratët, do punojmë fort në arritjen e objektivit madhor: Fitoren e zgjedhjeve vendore në Bashkinë Pukë.
Jam tërësisht i bindur se ky proces na ka bashkuar më shumë, na ka bërë më të fortë. Nuk ka humbur askush, unë jam njëri prej jush që vota e demokratëve më ngarkoj përgjegjësinë për të udhëhequr një betejë që me regjimin e Edi Ramës në pushtet qendror e atë vendor në Pukë, nuk është e lehtë.
Në periudhën në vazhdim do të ndërtojmë urat e bashkëpunimit me të gjithë bashkëqytetarët tanë në çdo cep të territorit të Bashkisë Pukë, në një bashkëbisedim të sinqertë derë më derë duke dëgjuar me vëmendje të gjitha hallet dhe shqetësimet e banorëve, që do të jenë “busulla” orientuese e programit ambicioz që do të kemi.
I gatshëm të nisim rrugëtimin drejt ndryshimt të Pukës me 14 Maj 2023, për të çliruar pukjanët nga regjimi.
Na shkoftë mbarë të gjithëve!
“PUKA NDRYSHON ME 14 MAJ 2023”
