Nga Zef Ndreka
Më në fund , pas një heshtjeje të gjatë e pa kuptim , PD-ja zyrtare , ka filluar të lëvizë .
Takimin e parë e bëri në Kruje , me kryetarët e rretheve të Veriut te Shqipërisë me prezencën e Bashes , Alibeajt dhe deputetes së zonës .
E mireprita mjaft këtë sinjali të parë , pasi PD-ja nuk ka aspak kohë të humbasë më , për të kthjelluar e për të kthyer në rrugën auroatlantike pjesën e Foltorës , e cila po lëviz pa ngarkesë dhe pa orientim . Shtypja lehtësisht që i bën Berisha kësaj pjese të partisë për nevojat përsonale dhe familjare , e kompromentojne lehtë atë . Për më tepër , që Berisha ju përgjigj negativisht thirrjes se hapur dhe pa kushte të bashkimit të strukturave të dubluara të PD-së . Dora e zgjatur e PD-së për kandidatë të përbashkët në zgjedhje lokale , mori përgjigje të mënjëhershme nga Foltorja , per koalicion më PL e Metës ! Madje me zgjedhje primare të dy partive të kundërta ideologjike e politike !
Sa lehtë e gjejnë “zgjidhjen” mëkataret !
Sa lehtë manipulohen foltotistët !
Por sidoqoftë , humbja e radhës e opozitës , apo fitorja e radhës e socialistëve per shkak të non grat-es Berisha dhe spiunit Meta , do të mbetët përgjegjësi e Berishës përballë foltoristëve që nuk do të mund t’i kërkojnë llogari , për humbjen , për shumë aresye .
Ata do të mashtrohen si përherë nga Berisha dhe do të gjejnë armikun per t’i lënë dopio gjashtën në dorë !
Këtë zgjedhje beri Berisha , duke e dobësuar dhe duke e përçarë përfundimisht PD-në .
Të shohim si do të reagojne foltoristët , të cilët e kanë patur hall në sy partinë e Ilir Metës ! Por kjo është pune e tyre .
Të kthehem tek takimi i PD-së në Kruje .
Takimi ishte organizuar dhe shkoi shumë mirë .
Rreth 5 orë debat kryesisht për riorganizimin e PD , kryesisë , grupit parlamentar , Këshillit Kombëtar dhe Kolegjit të kryetarëve .
Të martën fillojnë takimet me grupin parlamentar të PD-së , pa foltorën .
Paraprakisht të gjithë deputetët janë të bindur se duhet filluar riorganizimi pavaresisht vëndimit te gjykatës . Edi Rama është i interesuarit bashkë me Berishën ta mbajnë peng sa më gjatë vendimin e Apelit . Ai vendim , në gjykatat e varur mund të jepet edhe pas disa vetesh … E kështu , Rama përçarës noton i qetë në ujrat e fitores dhe Berisha që i bën fresk dhe që e ushqen me oksigjen !
Lajmi i mirë nga ky takim në Kruje është se deri në Janar 2023 do të mbarojë riorganizimi i PD-së dhe do t ë bëhet prezantimi i kandidateve tanë për Kryetar Bashkishë .
Kështu , filloi të marrë rrugë lëvizja e PD-së .
Sigurisht , strukturat e gjithë PD-së i pret një punë e madhe për të kompensuar edhe dëmet nga shpifjet , gënjeshtrat dhe sulmet e pa principe e të ulët të Berishës në veçanti , e të treshës keqbërëse të shqiptarëve .
Mbetët detyrë primare organizimi dhe zgjedhjet , percaktimi i kandidatëve , gjithashtu lufta e pa ndërprerë kundër vërbimit dhe hipnozës së elektoratit .
Do të sulmohet shumë PD-ja , por do të dalë me e fortë e më e pastër !
Jo si ajo që gënjeu Berisha : Më të bashkuar , më të fortë !
