Bir selman i nenes ke te (mos) votoj me pare!
Zgjedhjet lokale te pranveres se 2023 ndryshe nga ato te 2019 do kthejne perballe njera tjetres 3 partite me te medha, pa dublantet Basha dhe Kryemadhi ne krye te opozites por me “pronaret” e vertete te rolit te liderit Berisha dhe Meta!
Megjithese eshte e veshtire te behen parashikime, eshte po aq e lehte te kuptosh se kush do jete perballe kujt! Rama, Berisha dhe Meta kane nje histori politike 24 dhe 32 vjecare! Jo dhe aq e shkurter sa mendojne ata vete.
Po si vijne palet ne kete perplasje? Le ta nisim nga Rama, i riu i pare i vjeter ne kete gare. Pas 9 vitesh qeverisje qe nuk prodhon me entuziazem por vetem mbyllje gropash me probleme, Rama po kapet pas dobesive te kundershtareve por jo tek bilanci i qeverisjes. Me 2 ish ministra ne burg dhe me shume gjasa ca te tjere qe nuk i ze gjumi naten per PPP e shendetesise dhe inceneratoret terkuze, sulmin kibernetik mbi koke dhe Erion Veliajn qe i vjen verdalle si hije e pasuesit plangprishes nga Tirana ne Washington, Rames i jane shtuar dhe dy halle akoma me te medha.
Rritja e cmimeve qe nga nisja e luftes ne Ukraine ja ka bere jeten shume te veshtire shqiptareve. Por me e meqja s’ka ardhur akoma. Nga 1 tetori rritja e cmimit te energjise mund te shnderrohet ne fitilin e “bombes sociale” qe e ka ne dore por nuk ka shperthyer ende! Me kaq halle politike varur ne shpine as optimisti me naiv nuk do e mendonte nje fitore! Por, ka nje “por” te madhe! Kush do e munde ne garen per pushtetin vendor?
Kandidati numer 1 eshte partia me e madhe e opozites. Partia Demokratike e ”rithemeluar” nga njera ane dhe nje grup deputetesh po te PD qe nuk njohin organet e dala nga Kuvendi i 30 prillit! Pra nje PD ne zyrat e PD dhe nje tjeter ne zyrat e Kuvendit! Te dyja palet qe heshten 5 vite per deshtimet e Bashes mendojne se do shpetojne Shqiperine nderkohe qe varrosen vete PD-ne!
Pala e trete ne kete ndeshje eshte Partia e Lirise se Metes qe ne 4 ore zhberi gjithe kupolen e vete duke emeruar “lirisht” ekipin drejtues! Sa per shembull te fresket, “autokratet” konservatore angleze harxhuan 2 muaj ne debate per te zgjedhur ne fund Liz Trus ne krye te partise dhe qeverise si udheheqesen e re!
Por absurdi me i madhe eshte “gara e forte” se kush ka me shume dosje ne SPAK! Dhe gara per zgjedhjet e ardhshme mund te shnderrohet nga gare per qeverisjen vendore ne gare per mbushje burgjesh me mekatare!
Por zgjedhjet do mbahen dhe do kene nje fitues. Nese fiton PS, Berisha dhe Meta vertete do e shtyjne betejen per ne 2025 pasi ja kane marre doren motos se Lulit se “shtatorin tjeter fillon lufta”, dhe do ngarkojne e shkarkojne edhe nje here kryesite e partive duke mos ikur vete, por duhet te rishpikin veten pa “Lul beseprerin” neper kembe!
Por nese fiton opozita Rama duhet te ike nga syte kembet por me nje problem akoma me te madh per te zgjidhur. Ne nje parti qe e kontrollon, duhet te vere gishtin mbi pasardhesin. Meqenese ky eshte hall paszgjedhor, Rama duhet te zgjidhe hallet parazgjedhore si fillim. Dhe frika eshte se keto halle nuk i zgjidh dot duke u fshehur as pas iranianeve, as luftes ne Ukraine e as pas non-grates.
Kur familjeve shqiptareve tu vijne faturat e energjise per ti paguar ”sa frengu pulen” nuk ka gogol ti stepe per te dale ne sheshe! Boll eshte boll!
Ndaj trilema e votuesve per te zgjedhur mes alternativave se kush eshte e keqja me e vogel po thellohet nga zgjedhjet ne zgjedhje! ”Vota jone plumb per armikun” duket se do jete sllogani elektoral i PS, PD dhe PL! 3 rivale dhe nje 1 parrule nuk eshte pare e degjuar ndonjehere, por jetojme ne Shqiperi dhe cdo gje eshte e mundur!
