Shpetim Axhami, kryetar i PLL
Sot, pas 16-vitesh nga nënshkrimi i Marrëveshjes së Stabilizim Asiocimit dhe nga mbi 30-vjet pluralizëm, me turbulenca e kriza nga më të pamerituarat për ne, Shqipërisë i lind e drejta për të negociuar me Bashkimin Europian.
Aq sa kjo ditë është një ditë historike për Shqipërinë dhe shqiptarët, po aq kjo ditë duhet të jetë një ditë reflektimi për këdo, pse kaq e vonuar kjo, kush janë shkaqet dhe shkaktarët e kësaj vonese dhe cila është ajo që duhet tē bëj sejcili prej nesh që të mundësohet sa më shumë afrimi i ditës së antarësimit të plotë.
Shpeshherë në plan të parë nuk u vendos përkushtimi për përmbushjen e kushteve të vendosura për hapjen e këtyre negociatave por interesat e ngushta politike të subjekteve të caktuara.
E pafalshme kjo për këtë pjesë të klasës politike.
Me këtë klasë politike qeverisëse dhe parlamentare, me këto standarte demokratike dhe institucionale, ku vendin e ka mbuluar krimi e korrupsioni dhe një nivel tepër i ulët ekonomik pa pronë e investime, fatkeqësisht, mbetet e largët dhe e vështirë dita e antarësimit të plotë për në BE.
Përgjegjësia mbetet e votuesit.
Shqiptarët me votën e lirë të tyre duhet të ndëshkojnë ata që me veprimet dhe mosveprimet e tyre janë bërë pengesë e realizimit të endrrave të tyre në kohën e duhur.
Me votë duhet ndeshkohen ata që i detyruan ato të largohen nga Shqipëria për t’u vetintegruar në vendet antare të kësaj familje europiane duke e lënë të zbrazur vendin e tyre në pritje të integrimit…
Është kohe për vetndërgjegjësim duke reaguar në të mirë të zhvillimit dhe prosperitetit, të vetes e familjes, të Shqipërisë dhe interesit tonë kombëtar.
Sot kërkohen standarte të reja të gjithanshme për të qenë sa më afër integrimit.
Faleminderit dhe mirënjohje për ndihmën e dhënë nga vendet e BE-së.
Urime Shqipërisë dhe shqiptarëve drejt integrimit të plotë drejt BE-së🇦🇱🇪🇺
