Ish kryetari i PD-së, Lulzim Basha, ka ndarë paraditen e kësaj të shtune një mesazh urimi për të gjithë besimtarët myslimanë. Zoti u lehtësoftë ditët e vështira e u ndriçoftë të ardhmen gjithë shqiptarëve, thotë ish-kreu i PD.
“Mesazhi i Kurban Bajramit dëshmon se nuk ka sprovë që nuk kalohet me besim tek Zoti. Të dashur vëllezër dhe motra besimtarë myslimanë, nga zemra ju uroj, Gëzuar Festën e Sakrificës, këtë kremtim të shenjtë të fuqisë së besimit tek Krijuesi.
Sjelltë kjo festë sa më shumë gëzim, hare, shëndet e harmoni, për gjithsecilin prej jush dhe familjet tuaja! Zoti qoftë pranë shqiptarëve, u lehtësoftë ditët e vështira e u ndriçoftë të ardhmen”, shkruan Lulzim Basha në mesazhine tij të urimit për besimtarët myslimanë.
