Nga Qamil Gjyrezi
Zgjedhjet e pjesëshme të 6 Marsit, pas 8 Janarit ishte një kurth i mirë organizuar nga Meta, Berisha, Rama dhe politikanë në PD legjitime, që po pregatiteshin të sulmonin Lulzim Bashën. E njëjta skemë u zbatua edhe në Bashkinë e Shkodrës. Kam një kritikë publike per Ervin Salianjin, që e kam mbështetë. Salianji duke qenë pjesë e kryesisë së PD-së deklaronte, biles në një emision provokativ të Arian Canit se PD do të fitojë 6 Bashki?! Nuk e kuptoj se ku e kishte marrë këtë informacion Salianji?!
A kishte biseduar me kryetarët e degëve të PD-së apo me kandidatët?! Salianji drejtoi fushatën në Durrës dhe PD humbi edhe në këtë Bashki. Optimistë ishin edhe N/kryetarët e PD-së Duma dhe Gjekëmarkaj.
Biles Gjekëmarkaj mori pjesë edhe në një takim të Kryesisë së PD-së në Shkodër dhe foli me tone optimiste. Gjekëmarkaj biles organizoi një “kafe politike” në Gjuhadol dhe shkruajti një opinion optimist per situaten politike ne Shkoder.
A dinë të lëxojnë realitetin politik këta përfaqësues të lartë të PD-së apo bëjnë deklarata emocionale?! Në Shkodër, nuk e kuptova se përse nuk mori pjesë në fushatë ish-drejtuesi i fushatës së 25 Prillit Helidon Bushati dhe më pas kërkon dorëheqjen e Bashës dhe Berishës për drejtimin e PD-së. Zonja Emilia Koliqi një zonjë e mirë dhe profesioniste e mirë kërkon dorëheqjen e Bashës, kur nuk ishte në gjëndje të mbështeste kandidaturën e PD-së Xhemal Bushati, kjoftë edhe me mbështetësit e pakët e saj me 25 Prill. Flutura Acka që me të vërtetë nuk ka profil të përcaktuar politik tërhiqet nga funksionet në PD, kur zgjedhjet nuk kishin të bënin me Elbasanin?!
Nëse në politikë përdorë emocionet dhe euforinë nuk ke të ardhme, nuk i shërben politikës dhe ndryshimit. Keta përfaqësues politik dhanë dorëheqje euforike, emocionale dhe biles për interesat e tyre, për një post deputeti.
