Pas përfundimit të mbledhjes së Kuvendit Kombëtar do të zhvillohet sot në orën 19:30 mbledhja e Kryesisë së Partisë Demokratike.
Mbledhja mbahet në një ditë kur ish-kryeministri Sali Berisha po zhvillon një referendum, ku anëtarë të PD-së në rrethe po votojnë për shkarkimin e Lulzim Bashës nga drejtimi i partisë.
Në Kuvendin e PD u miratua rezoluta me 12 vendime të miratuara nga Këshilli Kombëtar. Rezoluta e konsideron Kuvendin e Sali Berishës një tubim dhe vendimet e marra prej tij si “nul”.
Duke theksuar se Berisha falsifikoi simbolet e PD, Këshilli Kombëtar shton se lëvizja “Berisha” dhe tubimi i djeshëm si finalizim i saj janë një përpjekje për të deligjitimuar institucionet e Partisë Demokratike deri në shbërjen e saj si forca më properëndimore në vend, duke synuar shndërrimin e saj në një bunker për mbrojtjen e interesave personale të Sali Berishës përballë SHBA.
