Nga Irena PROGNI, anëtare e Këshillit Kombëtar të PD
E kam ndjekur garën me vëmendje, gjatë gjithë kohës.
Sigurisht, nuk është garë ideale, sepse kushtet, në të cilat zhvillohen garat në Shqipëri, nuk janë ideale!
Mirëpo, edhe pse në këto kushte, unë ndjej krenari për këtë garë, që zhvillohet në forcën time politike, një garë reale, garë vlerash, qëndrimesh, besimesh, force, idealesh, idesh dhe bindjesh të djathta!
Ndjej krenari për këtë garë, e cila solli kandidatë të zotë, me dëshirë e përpjekje, me mendje dhe vizion për të ndryshuar Shqipërinë, për të ndryshuar të ardhmen e saj, për t’i dhënë frymë demokracisë shqiptare, për të kthyer, në fund të fundit, shpresën e lirisë ndër demokratë!
Garë e bukur, e mbushur me qëndrime të ndryshme, me vlerësime të ndryshme, me komente e reagime të ndryshme, kjo gjithashtu më pëlqen!
Gara ndër ne tregoi se, kandidatët nuk janë numra, figura sharlantane, që prodhohen nga repartet, laboratorët dhe mullinjtë e PS, por njerëz me integritet dhe qëndrim politik, që dinë të reagojnë, të luftojnë e të mendojnë ndryshe!
Ndoshta jo gara më e mirë, por gjithësesi, garë, që e bën Partia Demokratike, që nuk mund të ishte ndryshe!
