Nga Paulin Marku, anëtar i Këshillit Kombëtar të PD-së.
Partia Demokratike është një asset kombetar ,me mbështetje të gjërë në shtresat e ndryshme të shoqërisë shqiptare dhe kërkon respekt ,integritet ,moral ,besim, përgjegjësi ,ndershmëri ,sinqeritet ,para votuesve ,qytetarëve ,të rinjve dhe të rejave ,intelektualeve ,shtresave të vuajtuara nga regjimi monist.
Të drejtosh një pasuri të tillë kombetare si Partia Demokratike nuk kërkon vetëm ta shfrytëzosh për interesa personale ,të pasurohesh ,të blesh vila e makina lluksoze, të marrësh toka e pasuri të paligjshme, të ndërtosh hotele luksi, të mos vlerësosh kontributet e demokratëve ,të abuzosh me votën dhe lirinë demokratike, sakrificat dhe mundin e demokratëve të ndershëm ,por kërkon angazhim, sakrificë ,denjitet ,pergjegjëshmëri ,vullnet e vendosmëri pa interesa personale në kurriz të demokratëve.
Humbja në vitin 2013 erdhi si pasojë e rritjes së nivelit të korrupsionit në të gjitha nivelet e drejtimit ,ministra që nuk hapnin telefonat, drejtues që mendonin vetëm pasurimin e tyre personal, shkëputje nga strukturat e Partisë në bazë , abuzime me kandidate për kryetarë Komune e Bashkie, abuzime me emërime drejtoresh e me vende pune ,duke i lënë demokratët në mëshirë të fatit.
Largimi nga reforma për ndarjen territoriale ,marrëveshja e vitit 2017,largimi nga parlamenti dhe zevëndesimi me elementë dhe individë që nuk përfaqësonin demokratët ,mos marrja pjesë në zgjedhjet vendore lokale në 2019 ,miratimi i njëanshëm i ndryshimeve në kodin zgjedhor ,funksionimi me dy standarte i komisionit vlerësimit të kandidaturave ,lista e deputetëve, personalizimi i fushatës ishin element që cënuan vullnetin dhe besimin e demokratëve të ndershëm.
Sot para shqiptarëve kemi një qeverisje pa program, pa alternative, pa mision,e kapur mbas fenomeneve negative të një shoqërie demokratike,e korruptuar dhe aspak kombetare.
Humbësit e 2013 dhe kundërshtarët e 8 –viteve të opozitës nuk mund të jenë shpëtimtarët e demokratëve!
Respekte dhe shendet familjarisht të gjithë demokratëve dhe qytetarëve të ndershëm të këtij vendi.
