Grida Duma ka bërë ditën e sotme një lidhje të drejtpërdrejtë me ndjekësit e saj në rrjetin social‘Facebook’. Në shoqërinë e një grupi të rinjsh, ajo shfaqet me shkop selfie në dorë duke adresuar një mesazh për qytetarët.
Grida tregoi dhe bisedat që kanë bërë në tavolinë, që nga pyetja nëse duhet të kenë ambicie, apo nëse duhet të vishen bukur në këtë ditë të shenjtë. Ndër të tjera, Duma i kërkon të rinjve që të mos i fshehin gjërat e mira që kanë edhe pse mund t’i marrin mësysh.
‘Jemi në një kafe miqësore të qetë që nuk po diskutojmë gjëra me adrenalinë politike, por po urojmë cfarë duhet uruar në këtë ditë të shenjtë. Po diskutojmë për a mund të mendosh që mund të bësh mirë për të tjerët nëse nuk ke ambicie vetë. Ky është një grup i shkëlqyer. Unë kam falenderim për këtë gjënë, për shkëlqimin dhe për energjinë që kam marrë nga këto cuna dhe goca. Unë dua një duartrokitje nga këta për veten e tyre, vazhdon, vazhdon, vazhdon. Ne bëmë shumë batuta këtu, a duhet të jemi veshur bukur apo jo në ditë të tilla. Iu thashë gëzojuni cdo gjëje të mirë, ka gjëra të cilat mund të përmirësohen. Nuk duhen të shikohen gjërat me superticione se mos na marrin në mësysh thonë Shqiptarët. Me këta goca dhe cuna dhe mund të më marrin në mësysh por më mirë ta marr në sy që të marrin në mësysh sesa ti fsheh ata. Mashallah, mashallah.‘- është shprehur Grida.
