• Para 20 vjetësh e nisi me 20…
Nga parku i bletëve, ku po lulëzon pranvera, Bukurie Mëhalla, na sjell një histori frymëzimi për punën në fshat.
Një grua e angazhuar në familje, por edhe në biznesin e saj të ëmbël, ajo rrëfen plot pasion për punën, që edhe sot e emocionon. 20 vite me parë, Bukuria kishte vetëm 20 koshere bletësh, të vendosura në një park të vogël afër shtëpisë ku banonte. Përkujdesi dhe dashuria për mjaltëbërëset bëri që puna të rritej dita ditës.
Falë edhe mbështetjes së marrë nga AZHBR, sot Bukuria ka 700 koshere me bletë të ndara në 7 parqe. Gruaja nga fshati Godolesh i Elbasanit thotë se bletët dëshiron t’ua lërë trashëgimi fëmijëve, si një ndër pasuritë më të mëdha të jetës.
Përgatiti: Thanas Mustaqi
